Svavar Knutur

Svavar Knútur söngvaskáld fagnar nú útgáfu á nýjustu plötu sinni, Ahoy! Side B, með tónleikum um landið vítt og breitt og auðvitað er mikilvægt að heimsækja Hvalfjarðasveitina og vitja vina og vandamanna og gamalla sveitunga í hlöðunni á Bjarteyjarsandi. Þar heldur Svavar Knútur tónleika kl. 20.00, föstudagskvöldið 21. júní næstkomandi. Samhliða Ahoy! Side B kemur út Tvöfaldur vínill, Ahoy!, þar sem Side B rennur saman við systurplötu sína Ahoy! Side A, sem kom út 2018. Loksins sameinaðar! Á tónleikunum mun Svavar Knútur syngja lög vítt og breitt af ferli sínum og segja sögur af ferðlögum, löndum og lýðum. Börn eru auðvitað velkomin í fylgd með foreldrum. Aðgangseyrir er litlar kr. 3.500, en ókeypis er fyrir börn og unglinga undir 18 ára í fylgd með foreldrum eða afa/ömmu. Sjáumst eldhress! Miðasala hefst von bráðar á tix.is