Sváfnir Sigurðarson

Þeir Pálmi Sigurhjartarson, Sváfnir Sig og Red Barnett, sem er aukasjálf tónlistarmannsins Haraldar V. Sveinbjörnssonar, munu sameina krafta sína og koma fram ásamt trymblinum Karli Pétur Smith. Þetta verður bland af því besta sem þeir hafa gefið út á síðustu árum. Haraldur V. Sveinbjörnson hefur gefið út tvær sólískífur sem hafa fengið frábærar viðtökur, hann hreppti íslensku tónlstarverðlaunin fyrir plötuna SHINE sem kom út árið 2015 og lagið AUSTRONAUTS af samnefndri plötu frá árinu 2020 hlaut verðlaun sem lag ársins. Pálmi Sigurhjartarson hefur verið lengi að; komið fram með félögum sínum í Sniglabandinu og fjölda annarra listamanna sem of langt mál væri að telja upp. Pálmi gaf út tvöfalda vínylplötu, Undir fossins djúpa nið, á síðasta ári og fékk einróma lof fyrir það þrekvirki. Sváfnir Sig hefur einnig verið iðinn við útgáfu síðustu árin og hefur nú tvær sólóplötur undir belti. Lög hans hafa mörg hver náð inn á vinsældarlista Rásar tvö, og nú styttist í þriðju sólóplötu Sváfnis en fyrsta lagið af henni Allt of gamall nýtur nú talsverðra vinsælda. Karl Pétur Smith bjó lengi í Bandaríkjunum og starfaði þar sem tónlistarmaður og vann með mörgum af fremstu tónlistarmönnum okkar tíma. Meðan annars Rusty Anderson gítarleikara í hljómsveit Paul McCartney. Undanfarin áratug hefur hann haldið til á Fróni og leikið með ekki ómerkari listamönnum en Bubba Morthens og Sólstöfum