Sigur Rós

Sigur Rós hefur tilkynnt að hljómsveitin sé á leið í tónleikaferðalag um Norðurlöndin þar sem sveitin kemur fram ásamt fjörutíu og eins manns strengjasveit undir stjórn Robert Ames. Ferðalaginu lýkur á tónleikum í Reykjavík þar sem Sigur Rós kemur fram ásamt kammersveitinni Elju í Eldborgarsal Hörpu. Flutt verða lög af nýju plötunni, ÁTTA, auk margra annarra úr safninu og dagskráin spannar alla sögu sveitarinnar.