Übertøs

Übertøs frå Bergen spelar sveitt rock blanda med mørk country. Til tross for bandets dramatiske bandbiografi, har tøsekattane to solide fullengdarar, ein EP og fleire singlar på samvitet. Deira siste album ”Shake Off” (2017) som fekk ein 5-ar av Engelen i BT under overskrifta ”Supergirl med gitar og kryptonitt”, er verdt å merke seg (Youtube og Spotify). I særs singelen ”Hot Damn Emmylou”, som har blitt mykje spelt på P13. Etter ein del omrockeringar har bandet no fått ein drøy samansetting med musikere gravd opp frå vidt forskjellige sjangergrøft. Alle med ei lang fartstid i bergen rock city. I tillegg til frontfigur Charlotte, består übertøs av rutinerte typar som Topho-Lars frå Harvest, Odd-Erik frå Gram Per Person og Arvid frå Greenland Whalefishers. Før tøsekattane snikmekkar ny EP i Duper Studio i sumar, slår dei til med ein Kid Vest-landsturné. Dette for å feire den vene nye trommisen deira, frå Ulvik, Topho kjent frå m.a Harvest. Etter mange ville netter i Bergen, no sist på Statsraaden, skrensar übertøsene mjødtørste vidare mot sjølvaste Vossevangen og TRE BRØR, 3.mai. Der bør alle Vossingar med respekt for seg sjølv og naboen, stille med sølvspente boots, hørselsvern og lågt blodsukker.