Budiño

BUDIÑO: Músico galego de orixe e universal polo seu destino, viaxeiro
convencido, creador incansable, innovador por convicción,
soñador de melodías imposibles. BUDIÑO é un artista
atípico: é difícil atopar a alguén que esperte tanta admiración
entre os seus. Inspírase nos pequenos sabores da música de
raíz, pero sempre coa intención de crear unha música con
estilo propio.

BUDIÑO PUBLICA “BRANCA VELA”
O oitavo disco do compositor galego busca “descolocar de novo” ao seu público,
dando importancia á mistura entre a percusión tradicional e a electrónica.
O novo traballo conta coas voces de Gaudi Galego, Leilía e De Vacas, así como con
letras de Manuel Rivas e Antía Otero.
O músico e compositor Budiño publica BRANCA VELA, o seu oitavo álbum, no que busca “descolocar de novo” ao seu público
cunha mistura entre a percusión tradicional e unha electrónica “orgánica”, todo isto combinado con algunhas das grandes voces
do circuíto galego como son Guadi Galego, Leilía ou De Vacas. Tamén resalta neste traballo as propias letras das cancións,
onde Budiño conta coa colaboración de dúas grandes figuras da literatura galega como son Manuel Rivas e Antía Otero.
Despois de dotar de protagonismo á súa voz no seu anterior traballo, o músico decide agora apostar por dar valor á parte
percutida e ás capas sonoras das súas gaitas e frautas. Os múltiples elementos tradicionais de percusión conectan cos seus xa
característicos sons electrónicos ao longo do disco.
O oitavo disco do compositor galego contará cun espectáculo en directo exclusivo que combinará o virtuosismo do músico, unha
banda de novos talentos e algunhas das mellores voces deste país. O novo directo de Budiño promete ser unha gran
conxunción de música e baile, do tradicional coa vangarda, é un espectáculo exclusivo e irrepetible, unha oportunidade única.
A experiencia máis sensitiva deste espectáculo é a video creación que acompaña á música de Budiño, unha viaxe visual polas
súas novas composicións.

CONCERTOS DESTACADOS:
Auditorio do Conservatorio de Shanghai / China
T.Paseo La Plaza de Bos Aires / Arxentina
Circus Theater de Copenague / Dinamarca
Wales Millenium Center de Cardiff / U.K.
Auditorio da Unesco de Beirut / Líbano
Centro Cultura Real de Amán / Xordania
Teatro da Ópera de Damasco / Siria
Royal Concert Hall Glasgow / Escocia
Teatro Mayor de Bogotá / Colombia
Festival 7 sòis 7 luas / Cabo Verde
Cinema Rif de Tánger / Marrocos
Victoria Park-Ontario / Canadá
Praza do Zócalo / México
LAMC New York / EEUU

DISCOGRAFÍA:
• PARALAIA 1997
• ARREDOR 2000
• ZUME DE TERRA 2004
• HOME 2007
• VOLTA 2010
• SOTAQUE 2013
• FULGOR 2019
• BRANCA VELA 2023